#Duplessierig
’N NUWE HOOFSTUK BEGINOns gaan trou!
Ons grootste avontuur begin met “ja”.
En ons wil dit saam met jou vier.
VIR ALTYD BEGIN HIER
My mens. My liefde. My vir altyd.
Party mense ontmoet mekaar en weet dadelik. Ons het in 2016 ontmoet, toe eers ’n paar draaie gaan loop, ander paaie gekies en mekaar tussenin met ’n “Geluk met jou verjaarsdag” weer gevind.
Ons storie het lank tussen ’n hallo en ’n miskien geleef. Tot ’n grappie by Loftus, ’n gedagte in ’n restaurant en 5 ure se geselskap begin klink het soos: dis jy. Dit was nog altyd die moeite werd om weer te kyk of dit dalk jy is.
Met liefde, M & JMichael en Jacqueline ontmoet mekaar. Geen idee van die jare, draaie en kilometers wat voorlê nie. Net twee mense wie se paaie vir die eerste keer kruis. Hulle het toe nog nie geweet hierdie hallo sou eendag die begin van hulle troustorie wees nie.
By Potch Jool sien hulle mekaar weer. Maar Michael was nog jonk en jukkerig, en die ander groen weivelde moes blykbaar eers deeglik ondersoek word. Daarna beland albei in lang verhoudings en die lewe gaan aan. Tog bly daar oor die jare ’n klein opening: “Geluk met jou verjaarsdag.” Of sommer net: “Ek wonder hoe dit gaan.” Min woorde, maar altyd weer ’n manier om kontak te maak.
Op ’n dag bel Michael: “Ek moet jou sien. Kan ons asseblief ’n Vrystaat-plaaskuier reël?” Jacqueline wou nog dink aan nee, toe is die naweek reeds gereël en Michael se sakke gepak. Albei was toe uit hulle verhoudings. Die naweek het nie eers amper verloop soos hulle gedink het nie, maar albei is daar weg met iets wat moeilik was om te ignoreer: baie butterflies. Of “chemistry”, soos Jacqueline dit sou noem. Die naweek was verby. Die chemistry? Nie heeltemal nie.
Albei vind weer liefde en begin nuwe, lang verhoudings. Jacqueline trek George toe, en hulle lewens gaan weer in verskillende rigtings. Maar tussen alles deur bly daardie klein boodskappies daar. Hulle het elkeen ’n eie lewe gehad, en tog nooit heeltemal vreemdelinge geword nie.
Hulle loop mekaar toevallig by ’n rugbywedstryd op Loftus raak. En iewers tussen die rugby en die gesels sê Michael grappend vir Jacqueline: “As ons altwee op 30 single is, GAAN ONS TROU.” Hulle het daarna weer elkeen hulle eie pad gegaan. Maar vandag klink daardie grappie nogal baie soos ’n man wat toe reeds ’n plan gehad het. En hier is ons.
Michael is saam met sy ma en hulle op vakansie. Terwyl hy in ’n restaurant sit en oor Jacqueline gesels, tref dit hom: hy moet haar sien. En meer as dit, hy gaan met haar trou. Daar, tussen die gesels en die vakansie, word ’n ou moontlikheid vir hom iets baie seker. Sy planne om haar te sien wou nog nie uitwerk nie, want Jacqueline was steeds in ’n verhouding. Hy het geweet wat hy wou hê. Die lewe moes net nog daar uitkom.
Michael koop vir Jacqueline ’n vliegtuigkaartjie na OR Tambo. Hy sou haar van daar af Bloem toe ry. Al wat hy wou hê, was daardie 5 ure se geselskap. Maar 5 ure in ’n kar kan baie doen wanneer daar jare se chemistry saamry. Dit vlam weer op. Jacqueline was nog besig om dinge op haar eie manier te verwerk en groot besluite te neem. Daar was nie sommer maklike antwoorde nie. Daar was wel weer daardie gevoel wat hulle albei herken het.
Saam met vriende en familie gaan hulle Dullstroom toe. En dié keer bly dit nie net by butterflies of chemistry nie. Dit word opregte liefde. Jacqueline besef haar hart is beslis gesteel deur ’n man van die Laeveld. Ná al die amper, later en dalk kry hulle uiteindelik die kans om te ontdek hoe mooi dit kan wees wanneer hulle regtig vir mekaar kies.
Toe volg die vliegtuigkaartjies, die kilometers en die heen-en-weer tussen George en die plaas. Soveel reise, omdat daar aan die ander kant iemand was by wie hulle wou wees. Elke kuier het ’n afskeid gehad, en elke afskeid weer ’n plan vir die volgende kuier. Die afstand was deel van hulle storie. Maar saamwees het al hoe meer soos die lewe gevoel wat hulle wou hê.
Michael besluit hierdie is ’n heeltemal te lekker beste maatjie om so ver te hê. Sy moet plaas toe. En op 15 Oktober 2026 vra hy vir Jacqueline om met hom te trou. Sy sê ja. Vir haar liefde. Haar beste maatjie. En ’n lewe waarin die mooiste deel van die kuier nie meer hoef te eindig met ’n vliegtuig huis toe nie.
En nou deel ons ons liefde met julle almal. Van ’n ontmoeting in 2016, verjaarsdagboodskappe en ’n paar onverwagte draaie, tot ’n belofte by Loftus wat toe nie net ’n grappie gebly het nie. Ons het lank gevat om hier uit te kom. Maar hier is ons, gereed om mekaar voor julle vir altyd te kies. Michael het gesê: “GAAN ONS TROU.” En nou gaan ons.
Tien jaar se draaie. 5 ure se geselskap. ’n Lewe lank se ons.
Saterdag om 15:00
HH70, Hekpoort, 1790
Kry aanwysings in Google Maps ↗Besoek die venue se webwerf ↗Kom spog in iets waarin jy op jou mooiste voel en jou lekkerste kan dans. Enige kleur behalwe pastelgeel is welkom — ons hou dié een vir ons troukleur!
Trek deftig aan en kom vier fees — jou jeans sal dié keer tuis moet wees!
Vrydagaand om 18:00
Voor ons Saterdag mooi aantrek, kuier ons Vrydagaand lekker gemaklik saam. ’n Burgerbraai, ons mense en tyd om rustig op te vang voor die groot dag.
Kleredrag: casual en gemaklik.
Plek: Stable View Venue, Hekpoort.
Kry aanwysings ↗Die troue se formele kleredrag geld vir Saterdag.
Hier is vier verblyfopsies in die Hekpoort-omgewing vir die trounaweek van 5 tot 7 Maart 2027.
Verblyf by Sable Gate, R96 / Bekker School Road, Hekpoort.
Besonderhede en besprekings ↗Bevestig asseblief pryse, beskikbaarheid vir ons datums en die ryroete na Stable View direk voordat julle bespreek. Geen kamers is deur hierdie lys gereserveer nie.
’n Paar van ons gunstelingoomblikke.
#Duplessierig
Deel julle gunstelingfoto’s en herinneringe met ons hashtag.Jou saamwees is ons grootste geskenk. As jy ons tog met iets wil bederf, sal ’n geldjie vir ons volgende hoofstuk die mooiste plekkie in ons toekoms kry.
Geen groot pakkie of strik is nodig nie, net ’n bietjie liefde vir die pad wat voorlê.
Reël julle iemand vir die klein stoute dinge!
Die familie se kinders wat deel van die troue is, is natuurlik op die spanlys. 🤍
Ons kan nie wag om hierdie spesiale dag met jou te deel nie. Laat weet ons asseblief teen 11 Januarie 2027 of jy daar sal wees.